Þriðjudaginn 12 maí 2009 verður haldið skyndihjálparnámskeið á vegum Rauða Krossins hér í Klúbbnum Geysi. Námskeiðið byrjar kl. 13.30 - 15.30. Þeir sem vilja taka þátt þurfa að skrá sig í síma 551-5166 eða á miða í móttöku fyrir fimmtudaginn 7 maí 2009.

Þriðjudaginn 17. mars mun Ingrid Kuhlman frá þekkingarmiðlun halda námskeið í markmiðssetningu fyrir félaga í Klúbbnum Geysi. Félögum hefur staðið til boða að setja sér markmið í klúbbnum undanfarin ár og því getur það verið gagnlegt fyrir marga að hlýða á fyrirlestur sem þennan. Námskeiðið verður í fundarherberginu á 1. hæð frá kl. 13.30-15.30.

Meðal þess sem tekið er fyrir á námskeiðinu:

• Að móta sér stefnu
• Af hverju markmiðasetningu?
• Mismunandi aðferðir við markmiðasetningu
• Ávinningur markmiðasetningar
• Að horfa fram á við
• Hvað vil ég?

Félagar eru hvattir til að mæta!

Þriðjudaginn 3. mars mun Ingrid Kuhlman frá Þekkingarmiðlun halda námskeiðið "Að sækja um starf". Námskeiðið verður í fundarherberginu á fyrstu hæð frá kl. 13.30-15.30.

Námskeiðið hentar öllum þeim sem vilja auka árangur sinn í leit að starfi.

Það sem er tekið fyrir á námskeiðinu:
· Að leggja raunhæft mat á sjálfan sig.
· Markviss atvinnuleit.
· Að útbúa ferilskrá.
· Umsóknarbréfið.
· Fylgiskjöl með umsókn.
· Framkoma í atvinnuviðtali.
· Mikilvægi tengslanets

Hvetjum alla félaga til að mæta!

Hvað er Hláturyoga ?

Hláturyoga eru skemmtilegar hópæfingar í hlátri og smá öndunaræfingar með til að auka súrefnisflæði og þá verðum við hressari.  Það var Indverski læknirinn Madan Katari sem fann þetta upp og það er skemmtilegt að hlæja eftir þessu.  Í dag eru til 6 þúsund hláturklúbbar í 60 löndum.  Sif Ingólfsdóttur langar til að sýna ykkur þessar hláturæfingar í febrúar og hlakkar til að hlæja þá með ykkur sem flestum.  Hláturyoga hópæfingar eru hvern mánudag frá kl. 15.00 - 15.30 í Klúbbnum Geysi.

Fáum okkur skemmtilega útrás með hlátri og betri líðan!

Fjármálaþjónustan ehf. mun bjóða félögum í Geysi fimm vikna fjármálanámskeið í haust. Kennslan verður í Geysi Skipholti 29 á mánudögum frá kl. 13.00 til 15.30. Námskeiðsdagar eru eftirfarandi: 24. september, 1. október, 8. október, 15. október og 22. október. Eftir hvern námaskeiðsdag eru heimaverkefni þar sem unnið er með fjármálin. Eftir annan námskeiðsdag verðu einkatímum úthlutað. Í einkatímum er reynt að finna lausn á vanda hvers og eins. Námskeiðið er félögum að kostnaðarlausu. Hámarksfjöldi er 25  manns og bent á að þátttakendur verða að skrá sig fyrir 24. september í Geysi. Hvetjum félaga til að nýta sér þetta frábæra tækifæri til að ná tökum á fjármálunum.

Þriðjudaginn 24. apríl nk. mun Elfa Dögg S. Leifsdóttir frá Hjálparsíma Rauða Kross Íslands halda námskeið í símsvörun. Námskeiðið hefst kl. 13.00 og lýkur kl. 16.00. Á námskeiðinu mun hún fara í gegnum viðtalstækni gegnum síma, virka hlustun og eigin líðan. Áhugasamir geta skráð sig á þar til gert blað í móttöku Klúbbsins eða í gegnum síma 551-5166.